სიახლეები

როგორ ებრძვიან აზიურ ფაროსანას აბაშის მუნიციპალიტეტში

როგორ ებრძვიან აზიურ ფაროსანას აბაშის მუნიციპალიტეტში

დასავლეთ საქართველოში აზიური ფაროსანას წინაღდეგ ბრძოლა აქტიურ რეჟიმში გრძელდება. მავნებელმა  თხილის ბაღებიდან სიმინიდის ყანებში გადაინაცვლა. ამ პერიოდში მნიშვნელოვანია ყანების ქიმიური საშუალებით დროულად დამუშავება, როცა მარცვლეულის ნაყოფში შესვლის ფაზა იწყება.

როგორ ებრძვიან აზიურ ფაროსანას ანჟელის მასივებში

აბაშის მუნიციპალიტეტის სოფელ ანჟელში სიმინდის დიდი მასივებია. ადგილობრივი მოსახლეობის უმრავლესობას სიმინდის ყანები აქვს. ერთ-ერთია შოთა კირჩხალიაა. მას კულტურა 10 ათას კვ.მ -ზე აქვს გაშენებული. სიმინდის რეალიზაციისგან მიღებული  თანხა მისი ოჯახის მთავარი შემოსავალია. ფერმერი ამბობს, რომ ამ ტერიტორიაზე დაახლოებით 3-5 ტონა მოსავალს იღებდა, მაგრამ გასულ წელს აზიური ფაროსანამ მოსავალი თითქმის მთლიანად გაუნადგურა.

„შარშან სიმინდის მოსავალი  მხოლოდ 30-40 გოდორი გამოვიდა. ყანაში მავნებელი ისე იყო  მოდებლი რომ ვერ გაივლიდი, წელს კი თავისუფლად შეგიძლია ყანის ერთი ბოლოდან მეორემდე გასვლა.“ – შოთა კირჩხალია.

 

ფერმერი განმარტავს, რომ ამის მიზეზი სწორად ჩატარებული წამლობაა, თუმცა აქვე დასძენს რომ მა პროცესში მნიშვნელვანი იყო სახელმწიფოს გვერდში დგომა, რადგან თუ დიდი მასივების ქიმიური საშუალებით მათ მიერ დამუშავება არ მოხდებოდა, ისე ადგილობრივ მოსახლეობას გაუჭირდებოდა წამლობა.  შოთა მიზეზებზეც საუბრბს და ამბობს რომ  გლეხებს დიდი ფართობების შესაწამლად არ აქვთ ტექნიკა, ასევე გაუჭირდებოდათ  ქიმიური საშუალების შესაბამისი ნორმების და პერიოდულობის დაცვა.

 

სპეცილისტის რეკომენდაციები  სიმინდის კულტურის მავნებლისგან დასაცავად

აზიური ფაროსანა კულტურის დაზიანება ყანის ნაპირებიდან იწყებს. სპეცილისტების რეკომენდაციით:

აუცილებელია წამლობა ჩატარდეს მაშინ, როდესაც სიმინდის კულტურის ნაყოფი რძისებრ სიმწიფეშ შედის.

მავნებლის შემჩნევისთანავე უნდა მოხდეს გარეპერიმეტრის ქიმიური საშუალებით დამუშავება, ეს მის გავრცელებას შეზღუდავს.

აუცილებელია მოსახლეობამ მათ საკუთრებაში არსებული მცირე მიწები დროულად დაამუშაოს, წინააღმდეგ შემთხვევაში  შესაძლებელია ბაღლინჯო დიდ მასივებში სწორედ საკარმიდამო ნაკვეთებიდან გავრცელდეს.

ლოდინის პერიოდი

სიმინდი ზაფხულში დიდი პოპულარობით სარგებლობს. მაშინ როდესაც დასავლეთ საქართველოში კულტურას ქიმიური საშუალებით რამდენჯერმე ამუშავებენ, აუცილებელია უსაფრთხოების ნორმების დაცვა. კულტურის შეწამვლიუს შემდეგ აცილებიელია  ლოდინის პერიოდის – ბოლო წამლობიდან მოსავლის აღებამდე არსებული დროის შუალედის დაცვა. წინააღმდეგ შემთხვევაში ქიმიური საშუალების ნარჩენები ნაყოფიდან ადამიანის ორგანიზმში მოხვდება და შეიძლება უკიდურესს შემთხვევაში ინტოქსიკაცია გამოიწვიოს. მოცდის პერიოდი დამოკიდებულია პრეპარატზე და ის 10-დან 20 დღემდე მერყეობს. სპეციალისტები ფერმერებს ურჩევენ, რომ ინსტრუქციას გაეცნონ სადაც მოცდის პერიოდი ზუსტად არის მითითებული.

აზიური ფაროსანას წინააღმდეგ გატარებული ღონისძიებების შეფასება

დასავლეთ საქართვლოში მავნებლის წინააღმდეგ წამლობის უკვე მესამე ეტაპი დაიწყო. ამ დროისთვის სახელმწიფოს მიერ დასავლეთ საქართველოში თერმული ნისლის ტექნოლოგიით დამუშავებულია 310 ათასზე მეტი ჰექტარი, სატრაქტორე აგრეგატით – 10 ათასამდე ჰექტარი საყანე ფართობი, „მოიზიდე და გაანადგურე“ სადგურების გამოყენებით -18 ათასზე მეტი ჰექტარი.

ადგილობრივი მოსახლეობა ამბობს, რომ გასულ წელთან შედარებით წელს აზიური ფაროსანას რაოდენობა მნიშვნელოვნად შემცირებულია.

ავტორი:

ირმა ჭარაქაშვილი

 

სეს-ხორბალში აღმოჩენილი მავნებელი აზიური ფაროსანა არაა

სეს-ხორბალში აღმოჩენილი მავნებელი აზიური ფაროსანა არაა

ლანჩხუთში, კახეთიდან ჩამოტანილ ხორბალში აზიური ფაროსანა არ აღმოჩნდა. ამის შესახებ  სურსათის ეროვნული სააგენტოს მცენარეთა დაცვის დეპარტამენტის უფროსმა განაცხადა. ნიკა მესხის განმარტებით, ამ შემთხვევაში საქმე გვაქვს მარცვლოვანი კულტურისთვის ცნობილ მავნებელთან – კუსებურასთან, რომლის კონტროლიც საკმაოდ მარტივია და საშიშროებას არ წარმოადგენს.

კახეთიდან შემოტანილ ხორბალში აზიური ფაროსანას არსებობის შესახებ ინფორმაცია ლანჩხუთში ერთ-ერთმა მაღაზიის მეპატრონემ სოციალური ქსელის საშუალებით გაავრცელა.  ფაქტი სურსათის ეროვნული სააგენტოს წარმომადგენლებმა ადგილზე გადაამოწმეს.

ნიკა მესხი აღნიშნავს, იმასაც რომ აზიური ფაროსანას გავრცელების არეალი არ გაფართოებულა და მავნებელი ამ ეტაპზე, მხოლოდ დასავლეთ საქართველოში აქტიურობს.

მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებშირომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებსის შესაძლოა არწარმოადგენდეს EBRD-ის შეხედულებას.

სინქრონი:

ნიკა მესხი – სურსათის ეროვნული სააგენტოს მცენარეთა დაცვის დეპარტამენტის უფროსი.

აზიური ფაროსანას საწინააღმდეგო ღონისძიებებს მეცნიერები გაეცნენ

აზიური ფაროსანას საწინააღმდეგო ღონისძიებებს მეცნიერები გაეცნენ

სურსათის ეროვნული სააგენტოს ორგანიზებით, აზიური ფაროსანას საწინააღმდეგო ღონისძიებების მიმდინარეობის  გაცნობის მიზნით, სამეგრელოს რეგიონში მეცნიერებისთვის  ტური მოეწყო. სოფლის მეურნეობის მეცნიერებათა აკადემიის,  მეცნიერებათა ეროვნული აკადემიის წევრებმა დაათვალიერეს აზიურ ფაროსანასთან ბრძოლის საკოორდინაციო შტაბი, მობილიზებული ტექნიკა და საშუალებები, მოისმინეს დეტალური ინფორმაცია  შტაბის ფუნქციონირების, მონიტორინგის შედეგების, გატარებული და დაგეგმილი ღონისძიებების შესახებ; გაეცნენ აბაშის მუნიციპალიტეტში არსებული საყანე ფართობების ქიმიური დამუშავების პროცესს.

მეცნიერებთან შეხვედრას ესწრებოდა გარემოს დაცვისა და  სოფლის მეურნეობის  მინისტრის მოადგილე იური ნოზაძე, რომელმაც ხაზი გაუსვა სამეცნიერო წრეებთან თანამშრომლობის მნიშვნელობას.

მედიაპროდუქტი  მომზადებულია “ევროპის რეკონსტრუქციისა და განვითარების ბანკის”  EBRD-ის მხარდაჭერით “ერთად ვებრძოლოთ აზიურფაროსანას” პროექტის ფარგლებშირომელსაც “ჟურნალისტიკის რესურსცენტრი” –  JRC პარტნიორ მედიასაშუალებებთან ერთად ახორციელებსის შესაძლოაარ წარმოადგენდეს EBRD-ის შეხედულებას.

სინქრონები:

  • იური ნოზაძე – გარემოს დაცვისა და  სოფლის მეურნეობის  მინისტრის მოადგილე;
  • გურამ ალექსიძე – სოფლის მეურნეობის მეცნიერებათა აკადემიის პრეზიდენტი.

როგორია აზიური ფაროსანას წინააღმდეგ ბრძოლის პროცესში ადგილობრივი თვითმართველობის ჩართულობა

როგორია აზიური ფაროსანას წინააღმდეგ ბრძოლის პროცესში ადგილობრივი თვითმართველობის ჩართულობა

აზიური ფაროსანს წინააღმდეგ  ქიმიური საშუალებით ტერიტორიების დამუშავება რამდენიმე თვეა მიმდინარეობს. მოსახლეობის მხრიდან ხშირი იყო შენიშვნები  იმასთან დაკავშირებოთ რომ არ ხდებოდა წამლობამდე მათი წინასწარი ინფორმირებულობა, რაც მათ შიდამეურნეობს გარკვეულ პრობლემებს უქმნიდა.

დასავლეთ საქართველოში უკვე წამლობის მესამე ეტაპი დაიწყო. ჩვენ დავინტერესდით ამ პერიოდის განმავლობაში როგორ შეიცვალა ადგილობრივი თვითმართველობის მიერ მოსახლეობის ინფორმირებულოს მაჩვენებლი.

აბაშის მუნიციპალიტეტის მერის წარმომადგენელი განმარტავს რომ, სურსათის ეროვნული სააგენტოს ადგილობრივი ხელისუფლება 24 საათით ადრე აფრთხილებს და შემდეგ უკვე სოფლის წარმომადგენლებთან ერთად იწყებენ მოსახლეობაში ინფორმაციის გავრცელებას.

მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებშირომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებსის შესაძლოა არწარმოადგენდეს EBRD-ის შეხედულებას.

სინქრონი:

ჯონი ჩოჩია – აბაშის მუნიციპალიტეტის მერის წარმომადგენელი.


ვიდეო



სამეგრელოს რეგიონის მოსახლეობა სახელმწიფოს მიერ ფაროსანას წინააღმდეგ გატარებულ ღონისძიებებს დადებითად აფასებს

სამეგრელოს რეგიონის მოსახლეობა სახელმწიფოს მიერ ფაროსანას წინააღმდეგ გატარებულ ღონისძიებებს დადებითად აფასებს

აზიური ფაროსანას  წინააღმდეგ სახელმწიფოს მიერ მიმდინარე წელს 300 ათასამდე ჰექტარი დამუშავდა. ტერიტორიები ქიმიური საშულებით ორი მეთოდით თერმული ნისლის და ცივი შესხურების ტექნოლოგიით იწამლება.

სამეგრელოს რეგიონში ადგილობრივები სახელმწიფოს მიერ განხორციელებულ ღონისძიებებს აფასებენ. ლევან ჯიჭონაიას თქმით, გასულ წელთან შედარებით წელს მდგომარეობა მნიშვნელოვნად გაუმჯობესებულია, ამასთან გაზრდილია მოსახლეობის ინფორმირებულობის მაჩვენებელიც. ფერმერს თხილის პლანტაცია 2 ჰექტარზე აქვს გაშენებული,  სურსათის ერონული სააგენტოს რეკომენდაციების გათვალისიწინებით ჩატარებული წამლობის შემდეგ იმედი აქვს, რომ  წელს მოსავალს სრულად მიიღებს.

მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებშირომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებსის შესაძლოა არწარმოადგენდეს EBRD-ის შეხედულებას.

სინქრონი:

ლევან ჯიჭონაია – ფერმერი.

ვიდეო

აზიური ფაროსანას საწინააღმდეგო ღონისძიებები სამეგრელოს რეგიონში

აზიური ფაროსანას საწინააღმდეგო ღონისძიებები სამეგრელოს რეგიონში

მონიტორინგის შედეგების გაცნობის შემდეგ, ზუგდიდის მუნიციპალიტეტის 12 სოფელში, აზიური ფაროსანას საწინააღმდეგო ღონისძიებები გრძელდება. აქ 40 ერთეული მაღალი გამავლობის ტექნიკაა მობილიზებული.

სურსათის ეროვნული სააგენტოს უფროსის მოადგილის ზურაბ ლიპარტიას განცხადებით, მავნებლის ბიოლოგიიდან გამომდინარე, ამ ეტაპზე  მნიშვნელოვანია  ღონისძიებების დროულად და ინტენსიურად ჩატარება. უწყების ხელმძღვანელი ფერმერებს მოუწოდებს მავნებლის წინააღმდეგ ბრძოლაში აქტიურად ჩაერთონ.

სეს-ის ინფორმაციით,  დასავლეთ საქართველოში თერმული ნისლის ტექნოლოგიით დამუშავებულია 310 ათასზე მეტი ჰექტარი, სატრაქტორე აგრეგატით – 10 ათასამდე ჰექტარი საყანე ფართობი, „მოიზიდე და გაანადგურე“ სადგურების გამოყენებით -18 ათასზე მეტი ჰექტარი.

მედიაპროდუქტი  მომზადებულია “ევროპის რეკონსტრუქციისა და განვითარების ბანკის”  EBRD-ის მხარდაჭერით “ერთად ვებრძოლოთ აზიურფაროსანას” პროექტის ფარგლებშირომელსაც “ჟურნალისტიკის რესურსცენტრი” –  JRC პარტნიორ მედიასაშუალებებთან ერთად ახორციელებსის შესაძლოაარ წარმოადგენდეს EBRD-ის შეხედულებას.

სინქრონები:

  • ზურაბ ლიპარტია – სურსათის ეროვნული სააგენტოს უფროსის მოადგილე;
  • ლაშა გოგია – ზუგდიდის მუნიციპალიტეტის მერი.

როგორ მიმდინარეობს აჭარაში აზიური ფაროსანას წინააღმდეგ წამლობა

როგორ მიმდინარეობს აჭარაში აზიური ფაროსანას წინააღმდეგ წამლობა

დასავლეთ საქართველოში ჰაერის ტემპერატურა ბოლო პერიოდში 40 გრადუსს აღწევს,  რა დროსაც ინვაზიური მავნებელი აზიური ფაროსანა მაქსიმალურ მავნეობაზე გადადის. ბაღლინჯო მნიშვნელვან საფრთხეს აჭარის რეგიონისთვის წარმოადგენს. მის წინააღმდეგ წამლობის დროს მნიშვნელოვანია ტურისტული სეზონის გათვალისწინებაც. აჭარის ავტონომიური რესპუბლიკის სოფლის მეურნეობის მინისტრის მოადგილე განმარტავს, რომ სწორედ ამ მიზეზის გამო წამლობა ძირითადად ღამის საათებში მიმდინარეიობს.

ჯამბულ ხოზრევანიძის თქმით რეგიონში მავნებლის წინააღმდეგ სამუშაოებში მაქსიმალური რაოდენობის ადამიანური და ტექნიკური რესურსია ჩართული.

სახელმწიფო პროგრამასთან ერთად აჭარის ავტონომიურ რესპუბლიკაში შემავალ ტერიტორიულ ერთეულებს შესაწამლი პრეპარატებიც გადაეცათ, რომლის გამოყენებაც მავნებლის გააქტიურების შემთხვევაში თვითმმართველობებს შეეძლებათ.

მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებშირომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებსის შესაძლოა არწარმოადგენდეს EBRD-ის შეხედულებას.

სინქრონი:

ჯამბულ ხოზრევანიძე – აჭარის ავტონომიური რესპუბლიკის სოფლის მეურნეობის მინისტრის მოადგილე.

ვიდეო


როგორ დავიცვათ ციტრუსი აზიური ფაროსანასგან

როგორ დავიცვათ ციტრუსი აზიური ფაროსანასგან

ციტრუსი, რომელიც დასავლეთ საქართველოში ფერმერების, ერთ-ერთი მნიშვნელოვანი შემოსავლის წყაროა, ქვეყანაში გავრცელებული მავნებლის, აზიური ფაროსანასგან დასაცავად შესაბამის მოვლას საჭიროებს.

აგრო სერვის ცენტრის დირექტორის მოადგილე ლევან ბოლქვაძე  ციტრუსის მოვლის პროცედურებზე გვესაუბრება. სპეციალისტის თქმით, საჭიროა ციტრუსი ზედმეტი ყვავილებისგანაც გათავისუფლდეს, რაც მცენარის მსხმოიარობაზეც აისახება და ფერმერს გაცილებით მეტი შემოსავალის მიღების საშუალებასაც მისცემს. მისი თქმით, არასწორ დროს წამლობას კულტურის განადგურება შეუძლია. სპეციალისტი ხაზს პრეპარატების გამოყენებისას დოზირების ზუსტ დაცვაზეც ამახვილებს ყურადღებას. აგრონომის განმარტებით, ციტრუსის ბაღში აზიური ფაროსანას წინააღმდეგ კომბინირებული წამლობების ჩატარება საუკეთესო მეთოდია, რომელიც ფერმერს დროსა და ენერგიას დაუზოგავს.

მედიაპროდუქტი  მომზადებულია “ევროპის რეკონსტრუქციისა და განვითარების ბანკის”  EBRD-ის მხარდაჭერით “ერთად ვებრძოლოთ აზიურფაროსანას” პროექტის ფარგლებშირომელსაც “ჟურნალისტიკის რესურსცენტრი” –  JRC პარტნიორ მედიასაშუალებებთან ერთად ახორციელებსის შესაძლოაარ წარმოადგენდეს EBRD-ის შეხედულებას.

სინქრონი:

ლევან ბოლქვაძე – აგრო სერვის ცენტრის დირექტორის მოადგილე.

ვიდეო

სამედიცინო გადაცემები
2018-04-30
2017-12-22
2017-12-22
2017-12-22
2017-12-22
2017-12-22
2017-12-22
2017-12-22